Вечкевикс тонавтыцям
Монь вечкевикс тонавтыцям
Мазый, вадря, превей.
Эрзянь келенть содамо
Минек сон тонавты.
Ламо превть тенек максы
Эрзя-мокшонь мастордо.
Тиринь ёнксонть вечкеме
Эйстэнек кармавты.
Тонавтыцянть уроконзо
Весень мельс пек тукшныть.
Ламо кеняркс, паро лезэ
Канды эйкакштнэнень.
Чевтестэ ды лембе валсо
Минек марто корты.
Морынеть гайтев вайгельсэ
Сон морамо машты.
Арсян тензэ шумбрачи
Ды валдо уцяска.
Карман свал сонзэ лецтнямо
Ансяк вадря валсо.
ГУСЕВА Екатерина, Теньгушева велень школань 6- це классонь тонавтницясь