Национальная тематика: Тиринь келень покш чи
Национальная тематика:
Тиринь келень покш чи
Те коесь чачсь комете ламо иеде теде ике- ле - ютавтнемс тиринь келень чить. Васня тень теизь эрзятне, седе видестэ ули меремс - эрзянь тевень ветицятне, А. П. Рябов лемсэ эрзянь келень идема фондось (сестэ сон кандтнесь Анатолий Павловичень лементь). Зярыя шкань ютазь, эрзятнень лангс ванозь, тиринь келень чить ушодсть ютавтнеме мокшотнеяк.
Ней седе сеедьстэ покш читне, васняяк, Сарансо, ютнить вейсэ. Истя ульнесь тедедеяк. Эрзянь-мокшонь раськень драматической театрань покш зале пурнавкшность эрзянь ды мокиюнь келень ды литературань тонавтыцят, тонавтницят, вузонь студентт, эйдень кужосо, кулыурасо важодицят кода Саран ошсто, истя республикань зярыя велетнестэ. Покш чись ютась келейстэ, мазыйстэ. Ламо лембе валт евтаэель раськень тевень ветицятнень лемс, кинь виест, ойме лембест вельде кастови тиринь кельтнень эрявиксчист.
Кодамо покш чи казневтеме?! Те разнэяк сындест ульнесть ламо. Васняяк тешкставсть – Мордовия Республикань 2016-це иень тиринь келень сехте вадря тонавтыця» пелькстамосо изницятне. Те конкурсось ютавтневсь зярыяксть. Тедеде эрзянь келень тонавтыцятнень ютксо изнясь Орданьбуень Низовка велень средней школасто тонавтыцясь Зоя Викторовна Клементьева. Мезе парось, тиринь келень ды литературань коряс олимпиадасо изницякс лиссь сонзэ тейтерезэяк, 10-це классонь тонавтницясь Алеся. А стяко ават-тейтерть тедедень покш чистэнть марясть эсест лемс ламо шнамонь валт. Ды ули мезень кис. Паро улевель, бути истят семиятне республикасонок ламолгадовольть.
Покш чинть мазылгавтызь эрзянь ды мокшонь кельсэ моротнеяк, конатнень морызь республикань содавикс артисттнэ. Весемесь вадря, зярдо явить мель кельтненень. Седеяк паро улевель, бути истя раськень тевтнень теевельть эрьва косо ды свал. Сестэ, вант, кельтнень эрявиксчисткак седе касоволь.
Васенце лопасонть: "Мордовия Республикань 2016-це иень тиринь келень сехте вадря тонавтыця" пелькстамосонть изницясь Зоя Викторовна Клементьева.
Е. НИКОЛАЕВА. Фототнесэ: тиринь келень чинь ютавтома шкасто. Фототне авторонть